|
SubscriptionsSites I Read
|
|
|
|
| 琴日一放左工就走左入屯門參加4個鐘0既友誼賽...
我地隊除左阿聰, 光仔, 阿sky 之外...都差不多到齊... 友誼賽既對手有jessica 隊波同埋細邦邀請既力戰隊友... 頭兩局都係細邦set... 的確...細邦set 有左穩定軍心既作用,
因為佢可以指導大家攔網同守位...
雖然冇份落場,但我有留意下每一輪應該點樣去分配球...
同埋對手既攻擊取向... 到左第三局, 有得set 啦... 對jessica 果隊...
我地中間有alan 同 ray, 大鎚阿俊 同bottle, 後二係阿古....
呢場冇左阿德既攻擊力, 一攻方面係減弱左...
主力我都係拉開兩邊打阿古同埋阿俊...
阿ray 既背溜有兩球都得分, 第一次夾算唔錯!
阿俊我覺得攻擊力可以再加強...出手可以更加狠勁...
Bottle 要改善手形同埋上步.... 如果唔係好易殺出界 至於自已, 第一場有好多無為既失誤, 大鎚推得唔夠出,
甩手, 追波太慢啦, 轉位都太慢啦!! 企定先set 呀... !!
體能要再加強 第四局, 第一次對力戰... 對面有細邦..
我地呢邊正選球員, 阿德阿俊小健, ray, 鴨鴨, 阿Frank...
一開局阿Frank 打兩點攻... 我嘗試同佢夾下背後波,
背快背飛... 但可能太耐冇夾同埋對手防守強...所以都未有得分...
所以我盡快將攻擊點分左去阿德到.. 結果效果幾好...
之後有兩球比人發球得分... 呢點好正常... 因為發球就係人地既長處...
希望呢個新陣企熟左唔會發生呢D 情況.. 唔知係咪對強隊, 呢一局大家既防守同攔網好似升左個Level..
對手響地波為數唔多... 只係攔大鎚方面真係冇辦法...
仲有兩球比人三號位吊球得分... 我會加以注意呢方面既防守 由於對手中間攔網比較好, 為免比人攔死, 我都較少分前快 印象中只有一兩球
至於大鎚方面, 面對高攔網, 小健同阿俊都好敢落手... 呢點我好欣賞 至於一傳, 其實係好唔錯咖啦... 我set 都set 得好舒服
不過希望鴨鴨既自信可以早日恢復返
唔好將自已收埋收埋... 因為阿俊同小健係鎚手,
始終佢地要顧埋攻擊呢一環...
但今日一傳既責任似乎主要落左佢地身上...
要主動.. 最後...呢局好似輸16:25.. 今日最精彩既一局算係最後果局...對細邦果隊...
對方夾左好多既戰術, 有後排, 位置差...
但我地依然都冇亂... 繼續打返自已...
今局我都加插左唔少 戰術性 0既後排攻擊, 成功咁拉開左對方既攔網...
係一個唔錯既嘗試...
今局大家既投入度都大大加強左, 少左誤會波同埋防守能力提升左...
我Set 既大鎚波都夠高度同埋夠出啦... 要捉住呢個手感 仲有最重要就係大家都好享受呢場比賽 最後輸13:25 --------------------------------------------------------------------------------------------- 今次友賽之後, 已經收到晒大家對我既要求...
要再改善移動慢既問題... 同埋set 出d 去充份利用網既寬度 細邦講得岩... 唔可以怨自已點解做唔好... 係要正視問題..
wakaka... 信心!! 期待下場比賽!! | | |
| 今日狀態真係幾糟糕...手勢未改好之餘, 又搵唔到手感...
之前好過一陣子, 而家又犯晒D 老毛病..
D 波時高時低....特別係大鎚... 成日都唔夠出...
後二都還好, 快攻又係唔到位.......
如果鎚手下手要「果斷」的話, Setter 追求只為一個「穩定」
穩定... 穩定呢兩個字實在太虛無...
點可以高度, 弧度, 速度 呢三度都可以穩定D 呢??...
有冇得練既呢???...暫時仲未有一個好好0既答案... 其實壓力來源唔係在於大家....只係自已嬲自已
真係唔想成為大家既問題 要積極...! | | |
| 考完試呢個星期實在太充實啦...可以話冇時停...
星期三至五返左孔記教中文口試.... 見返好多舊生同埋老師,
好有親切感...咁快Grad 左已經三年... 大學生涯都進入左第四年了..
同我同年既同學而家應該開始搵緊野做.... 星期三晚上同星期六晚上都去左練波...
主要教練都係想改正返setter set 波既手勢...
哈哈, 好似變左BB仔學行咁... 經常要提住自已唔好Hold 波, 唔好鴛鴦手...
一定要努力改....!! 琴日補習真係笑死我... 教個學生cham...
「鎂 + 水蒸氣」 0既反應...
佢竟然寫:「 MgO2 ---> O2Mg...」 咩野叫做O2Mg 呀= ="".... 笑左我五分鐘
「2 Mg + O2 ---> 2 MgO」 才是正確呀各位同學 ... 近排可能工作, 打波, 同埋個人關系...
情緒都比較唔穩定... 變得有D 放鬆唔到自已...
小心..小心 | | |
| 首先第一樣野我覺得好痴線...就係星期一係Final 星期五六日我竟然入左camp,
不過呢個camp 唔可以唔入, 一年一次...今年仲要係我Last summer,
真係可一不可再.... 回想返其實入camp 係我地排球隊一向0既傳統, 呢個傳統已經踏入左第三年,
呢三年裡面見証左大家既起起跌跌, 由第一年得我一個男仔,
到到而家已經有6位kai 子陪我一齊發神經...
下年呢個時間我諗我應該要返工黎唔到喇....講起都唔開心 今年有d 人可能會覺得比上一年少左d 發癲時間, 玩水呀, 踩波呀呢D 都冇左,
但又加入左一D 靜態少少既元素... 篤背脊, 眼中既自已等等,
其實我覺得不失為一件好事,
因為畢竟大家溝通既時間比較少, 練波前熱身, 練完波就走,
大家好少講下對大家既Feeling... 雖然果D 只係遊戲,
大家可能仲有好多心底0既說話未講出黎, 但已經踏出左第一步... 好開心大家寫左好多鼓勵我既說話, 叫我比心機Set 波,
又話大家夾波夾得好開心...等等... 我開始0係呢隊波搵到滿足感,
所以以後0既時間我要更加正面, 更加努力去打好D.... 仲有一個人0係咁寫:「雖然你係大家0既小丑, 但都好受歡迎」...
唔知點解我見到呢句說話一D 都冇唔開心, 反而覺得好開心...
因為我覺得自已0係隊波入面, 雖然未必係細邦所講0既「技術上既支柱」,
但至少我能夠為大家帶黎開心, 大家會想同我一齊玩, 一齊癲...
我希望能夠成為一個令大家想黎練波既人..... ---------------------------------------------------------------------------------------------------------- 至於技術層面上面, 呢5個月自問自已有左唔少既改進.....
首先0係我最弱果一環, 腳下移動方面, 真係改善左...
有時一D 埋網既波都可以處理到...
Set 波既速度亦變得比較快, hold 波情況都好左好多...
係有時D 波仲係唔夠出... 一定要放膽推出去呀!! 至於整體戰術方面, 開始適應左阿俊平拉同埋 阿聰背飛既節奏...
練習果日什至可以同阿古夾到交差波....
唯獨少左一D 戰術性既後排攻... 今後半年要加強set 波既隱蔽性, 仲有波既高度同速度要更加講究...
加強心理既質素 同埋 分波既合理性....!! 暑假就到啦, 係時侯發癲啦大家!! | | |
| 好耐冇打Xg....因為搬屋既關系, 搞左兩個星期先上到網 住左0係元朗已經有兩個星期, 其實除左交通之外, 所有野都好alright.. 因為交通問題, 成日都搞到遲到....要守時呀!守時!!... 3點既事情, 2點半一定要到...wakakak!! 話咁快又四月中, 暑假又就快黎啦....今次真係要留住暑假, Becoz 今年一定係人生最後一個summer... 一定要好好計晝一下! 四月尾至五月中將會十分忙, 有Final exam 啦, 又有一年一度既Yinhei camp... 之後五月十幾號又要返孔仙洲補習... 最期待就係大獎賽..... enjoy! | | |
|
