今晚輪到我入TVB 幫細佬打氣啦...
今晚錄既係第五集... 應該要8月中先出街
內容係20強既合唱歌Pk 賽...

我同阿哥, 媽咪, 阿雪好準時7點入到廠...
今日細佬既狀態都係一般... 鼻塞既問題依然存在
不過今日首歌難度比較低, 所以佢應該handle 到既~

細佬合唱既 partner 係 15歲既唐泳妮...
我對佢地都幾有信心!!

節目未開始之前加插左 今晚既 guest MC 曹格既歌一首...
嘩...終於見識到曹格既vocal... 真係好勁, 好好聽
高音真係游刃有餘... perfect...! 淨係呢一part 已經抵晒

之後開始正式比賽... 今晚各位contestant 既表現比前幾集仲進步左
大家其實基本野做得好好, 包括音準, 拍子... 而且感情上更投入左
令我印象比較深既係 陳鴻碩 同埋 14歲妹妹既 「我真的受傷了」..
佢改一改個和音同埋首歌既arragement...變得更有味道

其實大部份既選手0係唱歌上面已經冇明顯問題,
但今晚主要睇既係兩把聲既配合同埋 默契...
所以有D 扣分都係因為呢兩點上既不足...
另外今晚亦有少部份 contestant 有明顯失誤...走音, 唔記得歌詞...

到第六組... 志程同泳妮出場啦
今晚兩個唱得都好好, 默契唔錯, 冇over到, 亦冇蓋過左對方既聲
harmony 主要係男聲唱既... 阿程呢方面不嬲都Okay, 所以今晚都做得唔錯
有一個和音位有作明顯改動, 唔錯!!

整體方面 尚算不俗... 但一如評判所講, 真係比較保守左, 冇乜亮點
anyway, 分數中等, 但可以順利過關!

至於其他contestant 係點, Foul 左D 乜野人? 唔多講喇, 到時自已睇啦
不過今晚有d 特別, 相信到時可能又會引起一些迴響....哈哈

呢集之後我更加喜歡呢個節目既參賽者...佢地既spirit 同埋心態真係好好
好正面... 有少少後悔點解當初唔跟埋林志程去玩...哈哈...
錄影完之後食完宵夜返到屋企已經 凌晨1:45... 好累...
下次錄影係8月8 號... 表演賽... 呢兩星期可以安心養聲啦衰仔!