呢個星期咁快又到左星期四...
呢兩個禮拜都要去仁濟醫院Placement... 把我的暑假暫停了
0係病房既日子的確幾悶... 而且個Ward 仲要幾Hea, 冇乜野做...
日日就係返工等收工..收工訓完又開工..

琴晚到左屯門蝴蝶灣練波...坐輕鐵...
雖然係好慢好慢, 但又有少少Enjoy 果種感覺

去到... 冇啦啦一個「霸王洗髮水」既Gag, 一下「咚淆」就將班女仔笑死...哈哈
今日既練習都係練下一傳, 大鎚波, 同埋中間快攻....
雖然自已唔係involve 好長時間, 但都足以暴露左自已既問題...
腳下移動既問題... 經常都企唔定Set 波...以致二傳質量不穩

呢個就係影響穩定性既Main point...
要記住唔好用拼步 (蟹步).... 要跑去追個波!
仲有就係手形同埋擺位....!!必要時要Jump set

希望腳下移動既小改變可以令整體有大改善!!

最後半個鐘開「大獎賽」... 我方陣容, 膠樽, 敏儀, 符, 鴨鴨, 我, 阿Mi
對方陣容, 細邦, 清, Feefeean, 聰, Ray, candy...
絕對Mission impossible...
好彩有阿符既靚守, 鴨鴨既靚打, 敏儀既靚Set, 阿Mi 既尖叫,
我既靚薩Q...膠樽既打失波 wakaka...
竟然嬴左大獎賽... 我地叫到痴左線....

11點幾... 大家都好累了... 我都慢慢''Un'' 輕鐵回家...
途中都係諗下點可以再改進... 其實呢頭半年既進度已經對得住自已了
但我明白, 球隊需要係穩定性更強, 信心更強, 領導能力更強既二傳...
加把爹!